ҰЛЫ БАБАЛАР МЕКЕНІ
   ТОРҒАЙҒА САПАР

Торғай даласындағы туысқанға деген сағыныш,бауырға деген сағыныш,арнайы  әлемге белгілі жаhангер, ұлтын ,елін, жанындай жақсы көріп сүйетін,ел болашағын,ұрпақ болашағын ойлайтын,өз мүддесінен ғөрі туған қазақ халқының мұддесін жоғары төбесіне қоятын,қазақтың бағына туылған меценат ағамызСапар Ысқақтың шақыруымен, бауырлары, Сыр өңірінен ,,Құдайменді-Көкмұрын батыр баба" қоғамдық қорының президенті Шалқар Амангелдіұлы Жаңабергенов бауырымыз бастап,қосшы ағаларымыз, Арыстанбек, Ақылбек,Мейрамбек,Садық,Базарбек,Шайхыслам,Насырбек,інілеріміз Абілакім,Бауыржан,Ержан,Ғалымхан,Өмірсерік,Ернар қоштап, бауырларының жанына жалау болып жүрген ,,Көкмұрынның" ер мінезді батыр қызы Марияш апамыз,сексенді алқымдасада ,,көкмұрын" десе жанын беретін,қыз кезінде ,,Адай" болып, көкмұрынның шаңырағына келіп, ,,адайлығын" ұмытқан, өзінен кейінгі келіндерге үлгі болған, ақ жеңешеміз,ақылшымыз Назира жеңгеміз, болса ,,көкмұрындарда" болсын,деп жүрген көкмұрындардың мерейлі,үлгілі келіндері Қалжан,Гүлзейнет,Нәзипалар бес жеңіл көлікке жайғасып, Қызылордадан таңғы сағат,06-00-де Жезқезған-Ұлытау- Арқалық-Амангелді бағытына қарай Торғай даласын бетке алып,үлкендеріміз бата беріп ,күре жолға шықтық.
Қызылордамен Жезқазғанның арасы 420км.екен.Күре жолдың 220км. Қызылорда жағы жаңа жол пайдалануға беріліпті.Арасында 7-8км.гравиний жол қалып кетіпті.Ал қалған Жезқазғанға қарай жолды салу жұмыстары қарқынды жүріп жатыр екен.Жанындағы айналма гравиленген,грейдермен тегістеп,су сеуіп қойған жолмен жүріп отырдық. Қалыпты жүріспен біз сағат 14-30-да Жезқазған қаласында болдық.Сол жерде көліктерімізге жанар май құйып алып,әрі қарай Жезқазған-Ұлытау бағыты бойынша жолға шықтық. Ара қашықтық 135 км.екен.Жолай ,,күміс бұлақ" деген жерде аялдама жасап,әрқайысымыз жолға алып шыққан ас ауқатымызды дастарханды жайып жіберіп, орталай тамақтануға кірістік.АС мәзірінде тамақтың неше түрі жал жая,қазы қарта,киіктің етінен жасалған қуырдақ, тауық еті,қойдың құйрығы,еті, жұмыртқа,құрғауылдың еті,таба нан,бауырсақ,шелпек,бөлішке,кондитерлік тәттілер.Сусындар,термостегі шай,қатық,сүт,құрт бәрі,бәрі бар.Қандай керемет, таза ауада,мөлдір бұлақтың басында,әзіл әңгіме,көңілді күлкімен ішіп жеген тамағың бойға сіңімді болады десеңізші?!
Ұлытауға сағат 16-30-да келдік.Жол жақсы асфальт екен.
Ұлытау-Арқалыққа дейін арасы 205 км.екен. Ұлытаудан 25 км шыққанша жол асфальт екен.Әрі қарай жаңа  жолды енді бастап ,жасап ,жатыр.Ара арасында біткен жолмен жүрдік.Кедергілері жолдың өте көп екен.Қараңғыда қиындықтар тудырды.Арқалық қаласына сағат түнгі 22-00-де жеттік.
Келесі соңғы нақты баратын жеріміз Амангелді кенті Арқалықтан 145 шақырым жер.Жол асфальт екен.Үлкендеріміз ағаларымыз Арыстанбек,Ақылбек,ініміз Өмірсеріктер Арқалықта таныс туыстарының үйінде қонуға қалып қойды. Қалғандарымыз Сағ.11-20-да Амангелді елді мекенінің қақпасынан бізді бауырларымыз,Даукен,Нүркен,Таңат күтіп алып,Нүркен бауырымыздың үйіне алып барды.Жуынып шайынып алып,жасап қойған мол дастархан басына жайғасып,әбден сүт құйған қою шайға қанып,артынан ағаш астауға салынған үйеме табақ етпен,арнайы сойылған қойдың басы тартылды. Семіз малдың етін жеп, қымызбен қоса ұрттап,тоя жедік.Шаңырақтың,дастархандағы дәмнің батасын беріп,тағыда шай ішіп болған соң,біздің 5-6 жігіттерді Таңат бауырымыз үйіне қондыруға алып кетті.Қалғандарымыз сол Нүркеннің үйінде қондық. Таңертең таңғы асымызды,шайімізді ішіп болған соң,сағ 09-30-да,Сапар ағамыздың ,,көпсалалы туристік комплексіне" барып,сол күні 1968жылы туылғандар, Нүркен ініміздің құрдастары 300 түп декоративті көшеттер алып келіп,егіп жатыр екен.Бізге де,ұсыныс жасап, көшет ектірді.Сыр елінен барған бауырлар арнай белгіленген орынға көшет отырғыздық.
Содан соң өзімізше аралап жүр едік,Сапар ағамыз арнайы келіп,салынған ғимараттардың әр қайысына тарихи түсініктеме беріп,ондағы қазақ халқына,ұрпақтарына тигізетін пайдасын,алдағы жоспарларымен мақсаттарын және үлкен ауқымды жұмыстарды жүргізу барысында көптеген билік тарапынан түсінбеушіліктермен кедергілер болғанын қинала айтты.Ағамызбен екі сағаттан астам аралап,әбден мән жайға қанықтық,керемет рухани ләззат алдық.Келешек ұрпақтарымызды патриоттық рухта тәрбиелеуге үлкен әсері болатыны белгілі.Әлемнің жеті кереметінің көшірмелерін осы жерде орналастырған.Суреттен көріп жатқан шығарсыздар.Жіберілген видео роликтерде ағамыздың бізге айтқан әңгімелері түсірілген Алдағы уақытта жазбаға да,қағаз бетіне түсіреміз.
Түскі сағ.12-00-де сол ,,Торғай тәжі" туристік кешенінде ,,АЛГАМБРА" мейрамханасында Нүркен бауырымыздың көшет егуді ұйымдастырған құрдастары түскі ас берді.Аста Сапар ағамыз бүгінгі көшет егуді ұйымдастырған,туған жерін гүлдендіруге ат салысып,қолдау жасап жатқан жерлестеріне үлкен рақметін айтты.Біздің арамыздан Шалқар бауырымыз сөйлеп,осындай туған жерінің атын шығаруға,қанша өз қаражатын жұмсап жатқан Сапар ағамызға тоқталып,қолдап жатқан ағайынларға рақметін жеткізді.
Астан соң біздерді арнайы мектеп интернатының жатақанасына орналастырды. Екі қабатты жатақана тап таза,ыстық, суық суы,арнайы душы бар. Екі,үш орынды бөлмелер екен.Бізден барған жігіттер сол жатақанаға орналастық.
Кешкiлiк сағ.19-00-деАманкелді орталық мешітінің асханасында жиналған қонақтарға Сапар ағамыздың баласы қонақасы ұйымдастырды.Қонақ асында арнайы іс шараға шақырылған қонақтар Алматыдан,Астанадан,Қостанайдан,Жезқазғаннан,Павлодардан,Ақтөбеден,Қызылордадан
болды.
Қонақасын аудан әкімінің орынбасары  Төлегенов Сахан Оңжанұлы жүргізіп, алғы сөзіне жалпы аудан көлемінде атқарылып жатқан жұмыстарға тоқталып,жеке қаражат құйып үлкен туристік кешен жұмыстарын жасап жатқан Ысқақов Сапар ағамызға аудан халқының атынан алғысын жеткізді.Содан соң сөз ауданның зиялы ақсақалы Дауылбаев Есім ағамызға берілді.Ол кісі ауданның дамуына,болашағына үлкен үлесін тигізіп жатқан Сапар ағамызға,бүгінгі беріп жатқан қайыр садақасын,бабалар рухына оқытып жатқан құрандарын Алла тағала қабыл етсін,деп тіледі.
Алматыдан келген ,,Сағадат Нұрмағанбетов" атындағы қордың төрағасы біздің жерлесіміз Махмут Ыбырайханұлы Нәлібаев сөйлеп,туған жерінің өсіп өркнндеуіне үлес қосып жатқан Сапар Ысқақов ағамызға зор денсаулық,жұмыстарына сәттілік тіледі.Ағамыздың жақын досы опера әншісі, абай танушы, қазақстанның халық әртісі,ұстаз Абилев Шахмардан Хайдарұлы сүбелі Абайдың қара сөздерінен әңгіме айтып берді.Жазушы-драмутург,көсемсөзші-жорналшы Ақылбек Шаяхмет ағмыз батыр би,шешен бабаларымыздың ұлағатты көсемсөздерінен үзінділер айтып,ұрпақтарға тәрбиелік мәні бар әңгімелерді нашына келтіре айтып берді.
,,Құдайменді-Көкмұрын батыр" қоғамдық қорының президенті Шалқар Амангелді ұлы сөйлеп, арнайы Қызылордадан келген бауырларының атынан ат мінгізіп,шапан жапты. Марияш апамыз арнайы тілек айтып,ағамыздың жанында жплауы болып жүрген жары жеңгемізге қолына таза күмістен сақина салды.Бұрын мәдениет министрі болған,қазыр ,,ТУРКСОЙ" генералный хатшысы ,меценат ағамыздың досв Дүйсен Касейновтың  йығына шапан жапты.
Амангелді ауданының ардагерлер кеңесінің төрағасы Сейдағалиев ағамыз асқа уақыт бөліп арнайы келген қонақтарға рақметір айтып,Сапар ағамыздың атқарып жатқан үлкен жұмыстарына сәттілік тіледі.Арасында Сапар ағамыз ойына түскен қызықты әңгімелерімен бөлісіп,бүгінгі келген қонақтарға шексіз алғысын жеткізді.
Ас соңында Есім ағамыз дастарханның батасын берді.Ауданның бас имамы аруақтар рухына құран бағытады.Қабыл болсын деп,бет сипап тарастық.Арнайы жайғастырған жатын орынға келіп жайғастық.
5 қазан күні таңертең сағат 09-00-де туристік кешендегі ,,Алгамбра" мейрамханадан таңғы ас берілді.
Содан соң қонақтарды ауданның мәдени мұра кешендерімен таныстырды.Бірінші аудан орталығындағы Амангелді Иманов атамыздың қабірінің басына барып,құран бағыштап,естелікке суретке түстік. Әулие бабалар жатқан қорымға бардық.Ол жерде ауданның бас имамы қарсы алып,марқұм әулие бабалардың өмір тарихымен таныстырды.Ағамыз әңгімеге қосылып,өзінің ертеректе Арқалықта қызметте жүргендн әулие баблардың кесенелеріне рестоврация жасап жағғыртқандарын еске алды.Өткен әулилерді еске алып,артынан құран бағыштады.